ការចេះលើកទឹកចិត្តខ្លួនឯងគ្រប់ពេលជាកត្តានាំទៅរកភាពជោគជ័យរកទីបំផុតគ្មាន

គីង្គក់និងហ៊ីង

១. គីង្គក់លក់ថ្នាំស្រែង អួតឥតក្រែងថ្នាំឯងល្អ

ស្បែកខ្មៅដៅក្រម៉រ

លាបអោយសល្អដាច់គេ។

២. ពេលនោះមានហ៊ីងមួយ

ហាក់ដូចព្រួយប្រឹងលួចជេរ

គីង្គក់លក់ឈ្មោះកេរ្តិ៍

ឥតខ្វល់ទេព្រោះតែប្រាក់។

៣. ងងឹតពិតដូចបាំង

គីង្គក់ខ្លាំងអាងកាប់ចាក់

ហ៊ីងខ្វល់ឈ្លោះដល់ខ្វាក់

គីង្គក់បក្សចាប់ធ្វើបាប។

៤. ឥតខ្វល់សត្វដទៃ

លើផែនដីស្តីឆ្អេះឆ្អាប

មាត់ប្រៃប្រែមកសាប

គីង្គក់បាបស្លាប់មិនខ្វល់។

៥.លោភៈទាក់ជាប់ចិត្ត

គីង្គក់ស្និទ្ធស្អិតល្បិចកល

ប្រឆាំងពិតគ្មានផល

ខ្ទាតគ្មានសល់ផលចំណេញ។

៦.ស្រែកផ្តាំអស់សព្វសត្វ

ចង់សុខស្ងាត់កុំបញ្ចេញ

គំនិតគិតចំណេញ

គីង្គក់ដេញមិនចេញឡើយ។

៧.ផែនដីនៅទីហ្នឹង

គីង្គក់ដឹងស្គាល់អស់ហើយ

កុំខ្លាំងតឆ្លងឆ្លើយ

ប្រាប់អោយហើយប្រយ័ត្នក្ស័យ។

លីម ចំរើន

០៤.០៩.២០១៧

Sent from my Samsung Galaxy smartphone.

——– Original message ——–

Advertisements

ពាក្យពិតរែងស្លែង

ពាក្យពិតរែងស្លែង
បទពាក្យ៧

១ ពាក្យពិតរែងស្លែងតែងទ្រគោះ
ជួនមិនពិរោះដូចសសើរ
អ្នកតូចអ្នកធំខ្លះហៃអើ
គេបានសសើរថាយល់ការណ៍។
២ ឯខ្ញុំត្រង់ស្មោះអស់តម្លៃ
គេចោទចង្រៃអត់បានការ
ខុសគេតែឯងនាំបញ្ហា
រកល្បិចចាត់ការកម្ចាត់ចោល។
៣ នេះឬជីវិតជនគំរូ
ប្រឹងប្រែងតស៊ូរស់តែលតោល
ភិតភ័យគ្រប់គ្រាងារដូចចោរ
ឬដូចស្រមោលរំខានគេ។
៤ យុត្តិធម៌មានទេក្នុងសង្គម
គេសើចខ្ញុំយំខ្លះព្រួតជេរ
ខ្ញុំបង់គំនិតគិតជួយគេ
អ្នកខ្លះចិត្តរេរបំផ្លាញវិញ៕

លីម ចំរើន
១៨ ០២ ២០១៧

១.ទឹកសុទ្ធប្រាំរយ ល្ងាចមុិញខ្ញុំស៊យ ផ្តើមកើតបញ្ហា រឿងតូចប្រែធំ នាំខ្ញុំខ្លោចផ្សា ហាក់ខ្លោចចិន្តា កាយារីងរៃ។
២.ឆ្វេងខ្លាំងស្តាំខ្លាំង ប្រកែកតតាំង ខ្មាស់ញាតិប្រុសស្រី ខ្ញុំនៅកណ្តាល បណ្តាលឲ្យភ័យ តើគួរធ្វើប្តី ឬធ្វើបងប្រុស។
៣.ប្រកាន់ខាងស្តាំង នាំឆ្វេងរកាំ រកូសខ្លាចខុស រឿងគេអ្នកសាង ខ្ញុំកាងម្តេចចុះ
ប្តីនិងបងប្រុស ខ្ញុំយ៉ាប់កាយចិត្ត។
៤.ខាងណាក៏សាច់ ម្តេចចាំកុងកាច់ នាំសោកជីវិត ឈប់ប្រឹងខំចង ចំណងញឹកល្អឹត សូមប្រែអាណិត កាយចិត្តខ្ញុំផង។ (លីម ចំរើន) ២២.០១.២០១៥

(បទពាក្យ៨ទំនើប)
១ សូមកុំខឹងស្អប់នឹងអ្វីយើងមាន ហើយកុំចង់ឃ្លាននិងអ្វីដែលអត់
ទើបនាំជីវិតមិនសោកជូរចត់ គ្មានអ្វីប្រាកដគង់វង្សយូរឡើយ។
២ ជីវិតរស់នៅមានគ្រប់រស់ជាតិ មានជួបមានឃ្លាតមានទុក្ខសុខសោយ
បើប្រកាន់មាំទ្រូងគ្រាំឥតស្បើយ គ្មានអ្នកជួយឡើយក្រៅពីអាត្មា។
៣ បីដូចអ្នកលើកគប្បីចេះដាក់ កុំល្ងង់ដល់ថ្នាក់មិនដាក់ឆ្លើយថា
ហេតុអ្វីធ្ងន់ម្ល៉េះឥតពិចារណា ធ្វើម្តេចហើយការបើកំលាំងខ្សោយ។
៤ ពួកយើងជាមនុស្សប្រុសស្រីត្រូវគិត រឿងទុក្ខខ្លះពិតយើងត្រូវបណ្តោយ
កុំងប់ងងល់ត្រូវគិតមុខក្រោយ នោះទើបទុក្ខស្បើយសោយសុខមង្គល។

លីម ចំរើន ២៩ ០៩ ២០១៤

(បទកាកគតិ)
១. អំណាចទឹកប្រាក់ ដូចគុកច្រវាក់ ចងចាក់ប្រុសស្រី
វីវក់វង្វេង ចាស់ក្មេងគ្រប់វ័យ បាបបុណ្យឥតភ័យ
មិនខ្វល់សោះឡើយ។
២. អំណាចទឹកប្រាក់ ឈ្លោះគ្នាកាប់ចាក់ ខ្លះឆ្កួតអស់ហើយ
ភ្លេចញាតិបងប្អូន ល្ងិតសូន្យឥតត្រើយ មើលមិនយល់ឡើយ
ខុសត្រូវខ្មៅ.ស។
៣. អំណាចទឹកប្រាក់ នាំចិត្តអបលក្ខណ៍ ខ្វាយខ្វល់កករ
កាច់កុងហែកហួ ចិត្តជួផ្តើម ក កើតច្រើនតំណ
ជួនតកូនចៅ។
៤. អំណាចទឹកប្រាក់ នាំចែកពួកបក្ស មាន.ក្រស.ខ្មៅ
ភ្លេចអស់គុណធម៌ ញាប់ញ័រប្រាក់ហៅ អ្នកល្អអាចខ្លៅ
ពិសពុលមិនលះ។
៥. អំណាចទឹកប្រាក់ ខ្លាំងហួសលេខដាក់ តែមានផ្លូវឈ្នះ
គឺកាន់សីលប្រាំ ប្រចាំចិត្តលះ ស្វែងយល់ធម៌ព្រះ
ឈ្នះទុក្ខស្រាកស្បើយ។
៦. អំណាចទឹកប្រាក់ មិនអាចចងចាក់ ឃាត់សង្ខារឡើយ
តែដល់វេលា គ្រប់គ្នាស្លាប់ហើយ ក្មេង.ចាស់ក៏ដោយ
គ្មានន័យឡើយណា។
៧. សូមភា្ញក់ខ្លួនទៅ គ្រប់គ្នាយល់ត្រូវ ចិត្តផ្តើមមេត្តា
រួបរួមសាមគ្គី គ្រប់ទីសុខា ឈ្នះគ្រប់អាត្មា
លើអំណាចប្រាក់។

លីម ចំរើន ០៩.០៩.២០១៤

លោកធំដើរខ្យល់

(បទកាកគតិ)
១. លោកធំដើរខ្យល់ ទោះគ្មានសំណល់ សល់ឲ្យខ្ញុំលិឍ
ពួកខ្ញុំសប្បាយ ក្អាកក្អាយឆោមហិត ខ្យល់ចេញពីក្តិត
ឬទ្ធខ្លាំងអស្ចារ្យ។
២. លោកធំផោមពើយ ដើរខ្យល់ឫកឈ្លើយ គ្មានអ្នកតវ៉ា
ព្រោះចៅវ៉ាយធំ ចិត្តខ្ញុំរអា សុំហ៊ានលួចថា
ខ្លោចផ្សាក្នុងចិត្ត។
៣. តើសមឬទេ? ខ្យល់តាមក្តិតគេ ស្អុយដូចគ្នាពិត
ម្តេចចាំចែកធន ស្រាលធ្ងន់ឲ្យគិត ឬជាក្រមក្រិត
ចងជាច្បាប់ក្បួន។
៤. ពួកខ្ញុំខុសអ្វី? ហាមមិនឲ្យស្តី បំភ័យឲ្យពួន
នាំខ្ញុំខ្វាយខ្វល់ សោកសល់ក្នុងខ្លួន ដៀលសព្វគ្រប់ផ្ទួន
ប្រឹងចែកវណ្ណៈ។
៥. ល្មមឈប់មានទៅ ទង្វើអាស្រូវ ចែកខ្យល់តាមថ្នាក់
ផោមស្អុយដូចគ្នា ប្រែជាចាប់ដាក់ ជួនគុកច្រវ៉ាក់
ព្រោះស្តីការពិត។
៦. បើលេងកុំខឹង បើខុសត្រូវដឹង កែប្រែសុចរិត
ដូចជួយសង្គម ដូចឃ្មុំសត្វពិត សាមគ្គីញាតិមិត្ត
ជីវិតសុខសាន្ត។

លីម ចំរើន ១៧.០៧.២០១៤

ថ្ងៃជោគថ្ងៃជ័យ

(បទ ពាក្យ៨ទំនើប) សម្រាបច្រៀងទូទៅ
១. ថ្ងៃជោគថ្ងៃជ័យមង្គលអស្ចារ្យ អេស៊ីលីដាឡើងអាគារថ្មី
រងចាំបម្រើស្វាគមន៍ប្រជាប្រុសស្រី ក្មេងចាស់គ្រប់វ័យឥតបីគេចកែ។
២. ទោះភ្លៀងធំតូចឥតខូចពិធី អបអរផឹកស៊ីមូលមីស្និទ្ធស្នេហ៍
អាគារស្តង់ដាសេវាហូរហែ ធនាគារខ្មែរល្បីល្បាញអនេក។
៣. សេវាសន្សំ,កម្ចីកុំខ្លាច ពួកយើងខ្ញុំអាចជួយមិនចាំស្អែក
E.Banking ថ្មីប្រុសស្រីអាចប្លែក យូនីធីឯកទំនើបដូចគ្នា។
៤. យើងខ្ញុំបុគ្គលិកក្មេងចាស់គ្រប់វ័យ សូមជូនពរជ័យសិរីមហិមា
ចូលកើតមានដល់ផលច្រើនហូរហៀរភ្ញៀវទាំងអស់គ្នាជួបសុខមង្គល។

លីម ចំរើន ១៨.០៧.២០១៤