ល្មមឈប់ទៅ
(បទពាក្យ៨ទំនើប)
១. ល្មមឈប់ទៅនូវទង្វើល្ងង់ល្ងិត គួរតែមានចិត្តជួយគិតជាតិផង
កម្មសិទ្ធិបញ្ញាហាមថតចម្លង អាស្រូវកន្លងជាតិគេមើលងាយ។
២. ចម្លងស្នាដៃកាឡៃកម្មសិទ្ធិ និពន្ធប្រឌិតអសោចសាយភាយ
ចិន.ថៃ.កូរ៉េ.យួន.សើចពេបជ្រាយ ដៀលខ្មែរធ្លុះធ្លាយខ្សោយខាងនិពន្ធ។
៣. បើខ្លួនជាខ្មែរគួរតែខំប្រឹង លួចគេអញ្ចឹងក្រែងជួបទុក្ខធ្ងន់
គេប្តឹងឲ្យសងសំណងទ្វេគុណ ចំណេញក្រោយមុនខាតលាភបាត់បង់។
៤. អាសូរជាតិផងបងប្អូនស្រីប្រុស ក្មេង.ចាស់ធ្លាប់ខុសប្រែចិត្តស្មោះត្រង់
ឈប់លួចទ្រព្យគេសំណេរផ្ចិតផ្ចង់ ជាតិខ្មែរផូរផង់ពិតល្បីអមតៈ។
លីម ចំរើន ២២.០៥.២០១៣
កវី ខេត្តស្ទឹងត្រែង 
Written
on 14 ខែឧសភា 2013