(បទ ពាក្យ៨ទំនើប)
១.មេឃធ្លាប់ស្រឡះផ្លាស់ប្រែងងឹត ប្រែទាំងដួងចិត្តខ្ញុំរឹតខ្លោចផ្សា
បេះដូងកំព្រាររងាឯកា ស្រណោះភ្លេងការរៀបការថ្ងៃជ័យ។
២.មានគ្រួសារមួយជាត្រួយកែវភ្នែក បែរប្រែទុក្ខជ្រែកមែកបាក់ធ្លាក់ដី
មេម៉ាយកូនមួយព្រួយព្រោះព្រាត់ប្តី អ្នកស្រុកគ្រប់វ័យសើចស្តីនិន្ទា។
៣.ព្រោះភ្លើងប្រច័ណ្ឌប្រកាន់ចាញ់ឈ្នះ ខ្ញុំត្រូវលែងលះឈ្នះទាំងគ្រាំគ្រា
ក្រោយទើបភ្ញាក់ប្រាណបានហួសវេលា ឲ្យកូនកំព្រារព្រាត់គ្នាឆ្ងាយឪ។
៤.គ្រួសារចាស់ថ្មីប្រុសស្រីត្រូវចាំ ខ្ញុំខុសសូមផ្តាំដេកត្រាំព្រួយនៅ
ប្រពន្ធនិងប្តីគប្បីបើកផ្លូវ ឈ្លោះទាស់អាស្រូវត្រូវចេះស្តាប់គ្នា។
លីម ចំរើន ១៤.០៨.២០១៣
បញ្ចេញមតិ