ស្រអែមស្រស់
(បទ ក្របចក្រវាឡ មេពាក្យ៩)
១.ស្រអែមស្រស់ អស់លើសស្រី នៃលោកា គ្មានស្រីណា ហាហ៊ានផ្ទឹម នឹមនួនឡើយ
ពេញស្រីខ្មែរ ស្នេហ៍មុខណាស់ ច្បាស់ដល់ហើយ បងសូមឆ្លើយ ឲ្យអូនយល់ គល់បំណង។
២.ឃើញអូនភ្លាម រៀមវង្វេង ឃ្លេងឃ្លោងចិត្ត ដើរដេកគិត ពិតឥតប្រែ ស្នេហ៍នួនល្អង
វាចាទន់ មន្តសណ្តំ ចំភ័ក្រ្តបង ដូចចំណង ចង់ជាប់ស្អិត ចិត្តស្នេហា។
៣.ភ្នែកអូនធំ មុំមានផ្នត់ ម៉ដ្ឋផែនថ្ពាល់ បងចង់ស្គាល់ ញ័រចង់ថើប ស្រើបកាយា
ចិញ្ចើមខ្វង់ ត្រង់ច្រមុះ ឆ្លុះនេត្រា ស្អាតអស្ចារ្យ ថាមិនភរ លមាសមេ។
៤.បងស្រលាញ់ ក្នាញ់អូនពិត ចិត្តប្រាថ្នា តើជីវ៉ា ថាម្តេចដែរ ស្នេហ៍បងទេ?
បើអូមព្រម ល្មមបងស្ម័គ្រ ដាក់ទុនទ្វេ ចិត្តឥតរេ ផ្ទេជូនស្រី ក្តីស្នេហ៍ស្មោះ។
លីម ចំរើន ០១.០៨.២០១៣