ចានក្រឡូម (បទព្រហ្មគីតិ)
១. ចានក្រឡូមប្រេះបែក
ចង់បោកហែកតែចិត្តស្តាយ
មិនខ្វះលុយចំណាយ
ស្រណោះកាយធ្លាប់កាន់ប្រើ។
២. ទិញថ្មីពិតជាបាន
សម្បត្តិចានក្រឡូមតើ
ម្តេចចិត្តមិនប្រសើរ
ទុកគ្រាន់ប្រើគ្រាត្រូវការ។
៣. ព្រោះចិត្តស្រណោះវា
ធ្លាប់ជុំគ្នាហូបអាហារ
ស្លាបព្រាចានកែវកា
ពេលត្រូវការប្រយោជន៍ក្រៃ។
៤. មិនចង់ដល់ថ្ងៃក្រោយ
ចិត្តសោកសោយគិតអាល័យ
មិនគួរបោកចានថ្លៃ
ដោយសារដៃឯងអាត្មា។
៥. ស៊ូទ្រាំគ្រាំដួងចិត្ត
ត្រឹមអាណិតចិត្តសោកា
មើលចានបែកកាយា
តាមយថាកម្មទៅចុះ៕
លីម ចំរើន
១៩. ០៦. ២០១៨
កវី ខេត្តស្ទឹងត្រែង 
បញ្ចេញមតិ